پاکستان آ کر کھیلیں، شکست کا مزہ اور بھی بڑھے گا: رانا مشہود کا بھارتی بورڈ کو پیغام

02, دسمبر , 2024

نیوز ٹودے : پرائم منسٹر یوتھ پروگرام کے چیئرمین رانا مشہود احمد نے چیمپئنز ٹرافی کے حوالے سے بھارتی کرکٹ بورڈ کو پیغام دے دیا۔

لاہور میں تقریب سے خطاب کرتے ہوئے رانا مشہود نے بھارتی ٹیم کے نام پیغام میں کہا کہ بہادر بنو، پاکستان آکر کھیلو کیونکہ پاکستان میں شکست کا مزہ اور بھی زیادہ آئے گا۔ انہوں نے کہا کہ بھارت کو مشورہ دیا جاتا ہے کہ آپ کی نیک نامی ویسے بھی نہیں تھی، اب مزید کم ہو رہی ہے، پاکستان کرکٹ بورڈ کا موقف پہلی بار بہت جاندار ہے، پاکستان بھارت سے زیادہ پرامن ملک ہے۔

رانا مشہود نے کہا کہ پاکستان میں اگر مسائل ہیں تو وہ بھی آپ کے بھیجے ہوئے ایجنٹوں کی وجہ سے ہیں۔

دوسری جانب ایوان اقبال میں تقریب سے خطاب کرتے ہوئے انہوں نے تحریک انصاف کو تنقید کا نشانہ بناتے ہوئے کہا کہ ریاست پر بار بار حملے مزید برداشت نہیں کیے جائیں گے، جواب دینا بہت آسان ہے لیکن ہم تصادم نہیں چاہتے۔ ہم تمام صوبوں کو ساتھ لے کر چلنا چاہتے ہیں۔