ٹرمپ نے چینی صدر کو اپنی افتتاحی تقریب میں شرکت کی دعوت دی

13, دسمبر , 2024

نیوز ٹوڈے : نومنتخب امریکی صدر ڈونلڈ ٹرمپ نے چینی صدر شی جن پنگ کو جنوری میں اپنی تقریب حلف برداری میں شرکت کی دعوت بھی دی ہے۔امریکی میڈیا کے مطابق ڈونلڈ ٹرمپ 20 جنوری کو دوسری بار صدارت کا عہدہ سنبھالنے جارہے ہیں اور ان کی تقریب حلف برداری کے لیے مختلف ممالک کے سربراہان کو دعوت نامے بھیجے جارہے ہیں۔

رپورٹ کے مطابق ڈونلڈ ٹرمپ نے اپنے چینی ہم منصب شی جن پنگ کو بھی اپنی افتتاحی تقریب میں شرکت کا دعوت نامہ بھیجا ہے۔

امریکی میڈیا کا کہنا ہے کہ ابھی یہ کہنا قبل از وقت ہے کہ آیا چینی صدر ٹرمپ اپنی تقریب حلف برداری میں شرکت کریں گے یا نہیں تاہم صدر شی کی ٹرمپ کی تقریب حلف برداری میں شرکت کا امکان بہت کم ہے۔