حج درخواستیں جمع کرانے سے محروم پاکستانیوں کے لیے بڑی خوشخبری
- 09, جنوری , 2025
نیوز ٹوڈے : حج درخواستیں جمع کرانے سے محروم رہنے والے عازمین کے لیے بڑی خوشخبری، وزارت مذہبی امور نے سرکاری سکیم کے تحت بقیہ کوٹے پر دوبارہ حج درخواستیں لینے کا فیصلہ کیا ہے۔وزارت مذہبی امور کے ذرائع کے مطابق سرکاری سکیم کے تحت مزید 5 ہزار عازمین حج کر سکیں گے، آئندہ ہفتے سے 5 ہزار درخواستیں موصول ہوں گی، نئی حج درخواستوں کی وصولی کے لیے 5 دن مقرر کرنے کی تجویز زیر غور ہے۔
ذرائع کا کہنا ہے کہ سرکاری حج سکیم کے تحت 81 ہزار 500 حج درخواستیں موصول ہوئیں، سرکاری حج سکیم میں باقی 5 ہزار کوٹہ پر درخواستیں وصول کی جائیں گی۔وزارت مذہبی امور نے نئی حج درخواستوں کی قرعہ اندازی نہ کرنے کا بھی فیصلہ کیا ہے، حج کے کنفرم ٹکٹ پہلے آئیے پہلے پائیے کی بنیاد پر دیئے جائیں گے۔
تبصرے