ٹل پارا چنار روڈ کو محفوظ بنانے کے لیے اہلکاروں کی بھرتی شروع کر دی گئی

13, جنوری , 2025

نیوز ٹوڈے : کرم کی مرکزی شاہراہ ٹل پارہ چنار روڈ کو محفوظ بنانے کے لیے اہلکاروں کی بھرتی کا عمل شروع کر دیا گیا ہے۔سرکاری ذرائع کے مطابق ٹل پارا چنار روڈ کو محفوظ بنانے کے لیے پولیس اہلکاروں کی بھرتی کا عمل شروع ہو گیا ہے اور سپیشل پروٹیکشن فورس کی بھرتی کا عمل رواں ماہ کے آخر تک مکمل کر لیا جائے گا۔

ذرائع کا کہنا ہے کہ صوبائی کابینہ نے بھرتیوں کی منظوری دے دی ہے اور محکمہ خزانہ نے فنڈز کی منظوری دے دی ہے، جس کے تحت 399 اہلکار ڈیڑھ سال کے کنٹریکٹ پر بھرتی کیے جائیں گے، جب کہ بھرتیاں ریجنل پولیس آفیسر کریں گے۔ . .

ذرائع کا کہنا ہے کہ اہلکاروں کی عمر کی حد 45 سال مقرر کی گئی ہے، فورس میں 350 سپاہی اور 49 حوالدار بھرتی کیے جائیں گے، بھرتیاں سابق سیکیورٹی فورسز اور ایف سی اہلکاروں سے کی جائیں گی، اسپیشل پروٹیکشن فورس کو بھی سیکیورٹی فراہم کی جائے گی۔ .

واضح رہے کہ کرم میں کشیدگی کے باعث شاہراہ تالپاراچنار 3 ماہ تک بند رہی اور 3 ماہ بعد ابتدائی طبی امداد کا قافلہ چند روز قبل سخت سیکیورٹی میں کرم کے متاثرہ علاقوں میں پہنچا تھا۔