پاکستان میں ٹیسٹ سیریز بڑا چیلنج ہے ،انگلش کوچ برینڈن میک کولم
- 28, نومبر , 2022
نیوز ٹوڈے : انگلش ٹیسٹ کرکٹ ٹیم کے کوچ برینڈن میک کولم نے پاکستان آمد پر میڈیا سے گفتگو کے دوران بیان جاری کیا کہ پاکستان کے خلاف انگلینڈ کو جیت حاصل کرنے کے لیے اپنا بہترین کھیل پیش کرنا پڑ ے گا ۔
واضح رہے کہ اس موقع پر ان کا کہنا تھا پاکستان ایک مضبوط اور دلیر ٹیم ہے جو کہ اپنے دن پر کسی بھی ٹیم کو ہرا سکتی ہے ،انہوں نے کہا کہ پاکستان کے خلاف ٹیسٹ سیریز ایک بڑا چیلنج ہے ۔
برینڈن میک کولم نے کہا کہ ہم جانتے ہیں پاکستان کے لیے کرکٹ بہت اہم ہے اور کروڑوں لوگوں کے جذبات کرکٹ سے جڑے ہوئے ہیں ، تاہم کوشش کریں گے کہ تمام شائقین کو بہترین کرکٹ دیکھنے کو ملے ۔
ان کا کہنا تھا کہ شاہین شاہ آفریدی کا نہ ہونا ہمارے لیے بونس اور پاکستان کے لیے بڑا نقصان ثابت ہو سکتا ہے ، جبکہ اس کے بر عکس انہوں نے یہ بھی کہا کہ پاکستان کے پاس فاسٹ بالنگ کا بہترین اٹیک موجود ہے ۔
خیال رہے کہ پاکستان اور انگلینڈ کے مابین ٹیسٹ سیریز کا آغاز یکم دسمبر سے راولپنڈی میں ہو گا ۔
تبصرے