ولادیمیر پیوٹن کے دورہ بیلا روس سے زیلینسکی کے خدشات کی تصدیق

    وسیم حسن 

  روس اور یوکرین کے درمیان جاری جنگ کے دوران زیلینسکی اس بات کا خدشہ  ظاہر کر چکے ہیں کہ ولادیمیر پیوٹن یوکرین پر حملے کے لیے بیلا روس کے بارڈر کو استعمال کر سکتے ہیں اور اس کے اس خد شے  کو عملی جامہ پیوٹن کے دورہ بیلا روس نے پہنا دیا ۔

   بیلا روس اس جنگ میں شروع سے ہی روس کے ساتھ کندھے سے کندھا ملا کر کھڑا ہے اور جنگ کے آغاز میں روسی فوج کی بڑی تعداد  نے  بیلا روس کے راستے  کیو پر حملہ کیا تھا اور روس کی فوج کی ایک کثیر تعداد بیلا روس میں موجود ہے جو بیلا روس کی  فوج کے ساتھ مل کر مشقیں کر رہی ہے ۔

   پیوٹن کا دورہ بیلا روس، روس یوکرین جنگ کے لیے بڑا اہم ہےکیونکہ یہ پہلی مرتبہ ہوا ہے کہ پیوٹن خود بیلا روس گئے اس سے پہلے لوکا شینکو ہی  پیوٹن سے ملنے آتے تھے رابطے تو پہلے بھی تھے لیکن یہ دورہ انتہائی اہمیت رکھتا ہے۔

    کیو جو کہ بیلا روس کے بہت قریب ہے اگر روس نے بیلا روس کے ساتھ مل کر دوبارہ کیو پر حملہ کیا تو اس سے یوکرین کی جو فوج کیو میں ایکٹو ہے اس کو مشکلات کا سامنا کرنا پڑے گا اور یوکرین کو دو طرف سے روس کا مقابلہ کرنا پڑے گا۔ 

لوکاشینکو پیوٹن کی ہر ممکن مدد کرے گا کیونکہ لوکا شینکوکو اپنا عہدہ حاصل کرنے میں پیوٹن نے بہت ساتھ دیا تھا اورپیوٹن کی مدد کے بغیر یہ سیٹ حاصل کرنا لوکا شینکو کے لیے نا ممکن تھا لیکن لوکا شینکو کا بیان ہے کہ پیوٹن صرف کچھ اہم معاملات پر بات چیت کرنے آئے ہیں۔