روس کی مدد کرنے پر یوکرین نے ایران کو بڑی دھمکی دے دی

      وسیم حسن 

    روس یوکرین جنگ میں روس کی مدد کرنے کی وجہ سے یوکرین نے ایران کو بڑی دھمکی دی ہے  کہ ایران جو ہتھیار روس کو دے رہا ہے ان ہتھیاروں کو تیار کرنے والے کارخانوں کو ہی تباہ کر دینا چاہیے ۔

    صرف یوکرین میں ہی نہیں بلکہ امریکہ،فرانس،جرمنی،اسرائیل اور کینیڈا ان سب ملکوں میں ایران کو  روس کی مدد کرنے سے روکنے کے لیے منصوبے بنائے جا رہے ہیں لیکن تاحال ایران پر ان ملکوں کی دھمکیوں کا کوئی اثر نہیں ہو رہا ۔

   ایران نےیوکرین کے ان الزامات سے صاف انکار کر دیا ہے لیکن حقیقت یہ ہے کہ ایران اور روس کے تعلقات دن بدن  مضبوط ہوتے جا رہے ہیں ۔ 

    اقوام متحدہ کی اسمبلی میں امریکہ نے کہا ہے کہ روس یوکرین میں ایران،شمالی کوریا اور دوسرے ملکوں کے ہتھیاروں کا استعمال  کر رہا ہے حالانکہ شمالی کوریا نے بھی واضح کر دیا ہے  کہ انہوں نے اس جنگ میں  روس کو کوئی ہتھیار نہیں بھیجے ۔ 

    امریکہ کا کہنا ہے کہ جنگ میں دوسرے ملکوں کے ہتھیار استعمال کرنا اقوام متحدہ کے قوانین کے خلاف ورزی ہے لیکن امریکہ اور یورپی ملک خود ان قوانین کی خلاف ورزی کرتے ہوئے یوکرین کو اول روز سے ہی ہتھیار دے رہے ہیں۔