ایران میں جاری فسادات کو بھڑکانے میں برطانیہ بھی پیش پیش

        وسیم حسن 

    ایران میں پچھلے تین مہینے سے جاری دنگا فساد تھمنے کا نام نہیں لے رہا ایران پہلے اسرائیل اور امریکہ کو ان بگڑتے حالات کا ذمہ دار ٹھہراتا رہا  لیکن اب برطانیہ بھی اس کے دشمنوں کی فہرست میں شامل ہو چکا ہے کیونکہ ایرانی حکومت نے ایران میں حجاب کے خلاف باغیوں کا ساتھ دینے والے برطانیہ کے سات افراد کو گرفتار کر لیا ۔ 

    ان افراد کی گرفتاری کے بعد ایران بھڑک اٹھا اس نے برطانیہ کو انجام بھگتنے کی دھمکی  دی اور اس کے ساتھ ساتھ حجاب کے خلاف احتجاج کرنے والی عورتوں اور مردوں  کو بھی دو ٹوک بتا دیا کہ عورتوں کے لیے حجاب کے قانون اور شریعت میں نہ تو کوئی بدلاؤ ہو گا اور نہ ہی کوئی چھوٹ ۔ 

    ایرانی حکومت پچھلے چند روز سے ان باغیوں کے ساتھ نرمی کا برتاؤ کر رہی تھی لیکن اب ایک مرتبہ پھر انہوں نے سختی سے یہ اعلان کر دیا ہے کہ سڑکوں پر حجاب جلانے اور پھاڑنے والی عورتوں کے خلاف سخت قانونی کاروائی کی جائے گی اور قانون کی خلاف ورزی کرنے والوں کو سزائے موت بھی سنائی گئی ۔ 

    ایران میں جاری حجاب احتجاج میں ایلن مسک بھی شامل ہو گئے ایلن مسک نے اعلان کیا ہے کہ اس کی کمپنی سٹار لنک  باغیوں کی ہر ممکن مدد کرے گی اور ان کی آواز دنیا کے کونے کونے میں پہنچائے گی ۔ 

    ایلن  مسک کے اس اعلان کےبعد ایرانی حکومت نے سخت رد عمل کا اظہار کیا ایران پہلے بھی یہ کہہ چکا ہے کہ امریکہ اور ایلن مسک کو ایران کے اندرونی معاملات میں دخل اندازی کی اجازت نہیں ۔