ایران کی جنگی مشقیں اسرائیل کے لیے خطرے کی گھنٹی

ایران نے اپنے دشمن ملکوں کے خلاف تینوں افواج کی جنگی مشقیں شروع کر دی ہیں اس سے پہلے ایران 28 دسمبر کو اسرائیل پر بڑے حملے کی دھمکی  دے چکا ہے اور اس کا کہنا ہے کہ وہ چند منٹوں میں تل ابیب کو خاک میں ملا  دے گا

    ان دھمکیوں کے بعد اب ایران کی افواج کی مشترکہ جنگی مشقوں کے جواب میں اسرائیل نے بھی جنگی تیاریاں شروع کر دی ہیں اسرائیل کا کہنا ہے کہ اگر ایران نے اس پر حملہ کیا تو وہ بھی خاموش نہیں بیٹھے گا اور اسرائیل اپنی حفاظت کر سکتا ہے۔ 

    ایران کے بحری بیڑے آبنائے ہرمز میں گشت کرتے دکھائی دینے لگے ہیں ایران کے جنگی جہازوں سے کئی میزائلیں داغی گئیں اپنے بنائے گئے نشانوں کو تباہ کرتے ہوئے ایران کے جنگی طیاروں نے دھرتی ہلا دی۔ 

    ایران کے میڈیا نے ان فوجی مشقوں کی وڈیوز جاری کرتے ہوئے یہ لکھا ہے کہ ایران کےہیروز اپنے ملک کی حفاظت کے لیے تیار ہیں  عمان میں آبنائے ہرمز میں ایران کی سالانہ فوجی مشقیں اب بھی جاری ہیں جن میں ایران کےہیلی کاپٹرز سب مرین اور بحری بیڑے شامل ہیں ۔ 

    اٹھائیس دسمبر سے لے کر آج تک ایران کی جنگی تیاریوں سے کئی سوال اٹھنے لگے ہیں  کہ کیا ایران اسرائیل پر بڑے حملے کی تیاری کر رہا ہے کیونکہ ایران نے ان جنگی مشقوں کے ساتھ ساتھ یہ بیان بھی جاری کیا ہے کہ اگر اسرائیل نے اس کے ایٹمی ٹھکانوں کو نشانہ بنایا تو تل ابیب کو پل بھر میں تباہ کر دیا جائے گا۔ 

    ان بیانات سے عرب کی سر زمین پر جنگی خطرہ منڈلانے لگا ہے روس اور یوکرین کی جنگ ایران کے لیے اپنی فوجی طاقت مضبوط کرنے کا بہترین موقع ہے اور ایران اس سے خوب فائدہ اٹھا رہا ہے  اب روس ایران کو ایٹم بم بنانے کی تکنیک دے سکتا ہے اور ایران بہت جلد ایٹمی طاقت بن سکتا ہے ۔