پاکستانی ماڈل حسنین لہری کی گاڑی کو اٹلی میں حادثہ، ماڈل معجزانہ طور پر بچ گئے

10, فروری , 2023

نیوزٹوڈے: حسنین نے اس بات کا انکشاف اپنی انسٹاگرام کی اسٹوری پر کیا جس میں ان کا کہنا ہے کہ یہ حادثہ انہیں اٹلی کے مشہور سیاحتی مقامی امالفی کوسٹ میں پیش آیا جس کے بعد انہیں ایک نئی زندگی ملی ہے۔ماڈل نے لکھا 'میری جان بچ جانے پر میں اللہ کا شکر ادا کرتا ہوں، اس حادثے کا اثر بہت برا تھا، یہ حادثہ امالفی کوسٹ کی بلندی پر ہوا اور اس میں میری جان بھی جاسکتی تھی لیکن میں خوش قسمت ہوں کہ معجزانہ طور پر بچ گیا ہوں۔

حسنین نے اپنی انسٹا گرام کی اسٹوری پر یہ مینشن نہیں کیا کہ وہ اٹلی گھومنے گئے ہوئے ہیں یا شوٹنگ کے لیے گئے تھے۔ چند میڈیا کی رپورٹس میں دعویٰ کیا جارہا ہے کہ حسنین اٹلی شوٹنگ کے لئے گئے ہوئے ہیں، حادثے کے بعد وہ شدید زخمی ہوئے جس کے بعد انہیں ابتدائی طبی امداد کے لئے ہسپتال منتقل کیا جا رہا ہے۔