جرمنی کی جانب سےترکیہ اور شام کے زلزلہ زدگان کو ویزوں کی پیشکں

13, فروری , 2023

نیوزٹوڈے: جرمنی کے وزیر داخلہ نینسی فیزر نے میڈیا سےگفتگو کرتے ہوئے کہا ہے کہ ہم چاہتے ہیں کہ جرمنی میں آباد ترکی اور شامی خاندانوں کو اجازت دی جائے کہ وہ ترکیہ اور شام کے زلزلہ سےمتاثرہ علاقوں سے اپنے قریبی رشتہ داروں کو بلانہ چاہیں تو اپنے پاس بلا سکیں۔ انہوں نےکہا ہے کہ یہ کام روایتی ویزا کے طریقہ کار کے تحت ہی کیا جائے گا لیکن ویزا جاری کرنے کے عمل کو آسان بنایا جائے گا اور یہ ویزا تین مہینوں کیلئے کارآمد ہوگا۔

نینسی فیزرنے کہا ہےکہ یہ فیصلہ ہماری طرف سے زلزلہ متاثر لوگوں کیلئے ایمرجنسی امدادکی سوچ کے تحت کیا گیا ہے۔ جرمنی کیطرف سے یہ فیصلہ ترکیہ اور شام میں چھ فروری کو آنے والے زلزلے سے لاکھوں لوگوں کے بے گھر ہونے اور اموات کی تعداد 29 ہزار سے بڑھنےکے بعد کیا گیا ہے۔