ثانیہ مرزابڑے عہدے پر فائز،کرکٹ ٹیم کی مینٹور مقرر

15, فروری , 2023

نیوز ٹوڈے: بھارت کے میڈیا کے مطابق ثانیہ مرزا کو ویمن پریمیئر لیگ میں رائل چیلنجرز بنگلورکا مینٹور مقرر کردیاگیاہے۔ فرنچائز رائل چیلنجرز بنگلور کے ترجمان نے کہا ہے کہ ثانیہ مرزا ویمن اسپورٹس میں رول ماڈل ہیں،یہ ہمارے لیے یہ خوشی اور اعزاز کی بات ہے کہ ثانیہ مرزاویمن کرکٹ ٹیم کی مینٹور ہیں،ثانیہ ایک ایسی شخصیت ہیں کہ جن کے ساتھ تمام پلیئرز اچھے انداز میں بات کر سکیں گی۔ دوسری طرف ثانیہ مرزا نے بھی ویمن کرکٹ ٹیم کی مینٹورمقررہونے پر خوشی کا اظہار کیا اوران کاکہناتھا کہ ویمن پریمیئر لیگ سے بھارتی ویمن کرکٹ اور مضبوط ہوگی۔

یادرہےکہ ثانیہ مرزا 6 گرینڈ سلم اور 43 ڈبلیو ٹی اے ٹائٹلزفتح کر چکی ہیں، دوسری طرف انڈیامیں ویمن پریمیئر لیگ کا پہلی مرتبہ منعقد کی جارہی ہے ۔