بھارت کے اداکار سدھو موسے والا کے قتل میں ملوث 2 ملزمان جیل میں ہلاک

نیوز ٹوڈے: بھارت کےمیڈیا رپورٹس کے مطابق سدھو موسے والا قتل کیس میں گرفتار 2 ملزمان پنجاب کی گونڈیوال سینٹرل جیل میں قید تھے جہاں قیدیوں کے مابین لڑائی ہوئی جو اس قدر بڑھ گئی کہ اس میں دو قیدی ہلاک ہو گئے۔ اس کے علاوہ اس خونی لڑائی میں3 افراد شدید زخمی بھی ہوئے جن میں سے 1 کی حالت اب تک تشویشناک ہے۔ ایس ایس پی گرمیت سنگھ چوہان کے مطابق لڑائی میں 2 افراد مارے گئے جن میں سے 1 مندیپ طوفان ہے۔ایس ایس پی گرمیت سنگھ چوہان کا کہنا کہ دونوں مارے گئے ملزمان سدھو موسے والا کے قتل میں ملوث ہونے کے علاوہ اور بھی جرائم میں ملوث تھے۔

تفصیلات کے ماطابق اس جھگڑے میں تیز دھار آلوں کا استعمال کیا گیا جنہیں جیل کے اندر ہی بنایا گیا تھا۔ دوسری طرف بھارتی پنجاب کے لارنس بشنوئی گینگ سے تعلق رکھنے والے گولڈی برار نے ایک سوشل میڈیا پوسٹ میں جیل کے اندر گینگ وار کی ذمہ داری قبول کی ہے۔ واضح رہے کہ سدھو موسے والا کو 29 مئی 2022 کو ضلع مانسا کے گاؤں میں جواہر میں نامعلوم حملہ آوروں نے فائرنگ کرکے قتل کر دیا تھا۔ اس واقعے میں سدھو موسے والا کی گاڑی پر30 گولیاں لگیں تھیں جس باعث گلوکار موقع پر ہی ہلاک ہو گئے تھے جب کہ ان کی گاڑی میں موجود 2 افراد شدید زخمی ہوئے تھے۔مزید پڑھیں: