یوکرین کو جنگ کی دلدل میں پھنسا کر امریکہ جانے کیوں ایف 16 دینے سے کترا رہا ہے

روس کے روسٹوف علاقے میں ایف ایس بی دفتر میں دھماکہ ہوا اس دھماکے سے ایک شخص ہلاک جبکہ دو لوگ زخمی ہوئے اس دھماکے میں ایک شاپنگ سینٹر کو بھی کافی نقصان پہنچا ہے روس کا روسٹوف علاقہ یوکرینی سرحد کے قریب ہے جہاں یوکرین نے حملہ کیا ہے روس نے بھی ان میزائل حملوں کے جواب میں یوکرین کے کئی علاقوں پر میزائل حملے کیے روس نے خارکیو ، سومی ، زیپوریزیا اور خیرسون کے علاقوں میں کئی میزائلیں گرائیں ڈونیسک میں بھی ایک پانچ منزلہ عمارت کو میزائل حملے سے تباہ کر دیا ۔

روس کے ان حملوں سے گھبراۓ زیلینسکی بار بار امریکہ ، نیٹو اور یورپی ملکوں سے لڑاکا طیاروں کی مانگ کر رہے ہیں لیکن امریکہ نے یوکرین کو ایف 16 طیارے دینے سے صاف انکار کر دیا ہے یوکرین کی بار بار مانگ پر پولینڈ نے یوکرین کو مِگ 29 طیارے دینے کی حامی بھر لی ہے لیکن پولینڈ کے اس فیصلے کے بعد وائٹ ہاؤس طرف سے یہ اعلان کیا گیا ہے کہ پولینڈ کے اس فیصلے کے بعد بھی امریکہ کے فیصلے میں کوئی بدلاؤ نہیں ہوگا اور امریکہ یوکرین کو لڑاکا طیاروں کی سپلائی میں پولینڈ کا ساتھ نہیں دے گا امریکہ پہلے ہی یوکرین کو کئی ایڈوانس ہتھیار دے چکا ہے اس لیے پولینڈ کے یوکرین کو ایک درجن مگ 29 لڑاکا طیاروں کی سپلائی کے بعد بھی امریکہ ایف 16 دینے کے لیے راضی نہیں ہوا ۔