فلپائن کی امریکہ کے ساتھ مشترکہ مشقوں کے جواب میں چین کی فلپائن کو خطرناک انجام کی دھمکیاں

      وسیم حسن

     فلپائنی میڈیا کے مطابق 11 اپریل سے لے کر 28 اپریل تک  فلپائن امریکہ کے ساتھ مل کر آٹھ سال بعد فلپائن میں بہت بڑی جنگی مشقیں کرنے والا ہے جن میں امریکہ کے ایف 22 لڑاکا طیارے بھی شامل ہوں گے  امریکہ اور فلپائن کی یہ دوستی اور ہتھیاروں کی نمائش چین کو ایک آنکھ نہیں بھا رہی کیونکہ جنوبی چینی سمندر کو چین اپنی ملکیت سمجھتا ہے سمندر کے اس علاقے میں چین کو کمزور کرنے کیلیے امریکہ جاپان ، آسٹریلیا اور فلپائن کے ساتھ مل کر کئی سالوں سے جنگی مشقیں کر رہا ہے اور امریکہ کا ساتھ دینے کی  وجہ سے چین اور فلپائن کے آپسی تعلقات بھی بگڑتے رہتے ہیں   ۔

   اس سے پہلے چین کئی مرتبہ فلپاین کو امریکہ سے دور رہنے کی نصیحت کر چکا ہے کیونکہ چین کا کہنا ہے کہ امریکہ فلپائن کے بہانے جنوبی  چینی سمندر میں حالات بگاڑنے کی کوشش کر رہا ہے اور اب فلپائن میں امریکہ کے دندناتے طیارے دیکھ کر چین بہت غصے میں آ چکا ہے اور اس نے فلپائن سے صاف لفظوں میں  کہہ دیا ہے کہ فلپائن نے امریکہ کو اپنے گھر میں آنے کیلیے تمام دروازے کھول رکھے ہیں اور اگر ایسا ہوا تو چین کے غصے سے امریکہ بھی فلپاین کو نہیں بچا پاۓ گا ۔