آذربائیجان اور آرمینیا کی جنگی تیاریوں کو دیکھتے ہوۓ ایران نے بھی تبریز ہوائی اڈے پر ریڈ الرٹ جاری کر دیا

اس وقت آذربائیجان اور آرمینیا بھی جنگ کا ایک نیا مورچہ بننے والے ہیں تین روز قبل آرمینیا کی طرف سے آذربائیجان کی سرحد کے قریب جنگی جہازوں کی اڑان کے بعد حالات بگڑنے شروع ہو گۓ کیونکہ آذر بائیجان نے جوابی کاروائی کرتے ہوۓ آرمینیا کی فوج پر فائرنگ کر دی جس سے آرمینیا کا ایک فوجی ہلاک ہو گیا آذربائیجان کے اس حملے سے آرمینیا کی ایک چیک پوسٹ میں آگ لگ گئی اور اس کے بعد اب آرمینیا نے بھی بارڈر پر اپنے ہتھیاروں اور فوجیوں کی تعیناتی بڑھانا شروع کر دی ہے اور نگورنوقرہباخ کی طرف ہتھیاروں سے بھری گاڑیاں تیزی سے بھیجنا شروع کر دی ہیں

آذربائیجان نے بھی آرمینیا کے بارڈر پر اپنے ہتھیار بڑھانا شروع کر دیے ہیں آذربائیجان اور آرمینیا کی اس مخالفت میں اسرائیل اور امریکہ بھی اپنی اپنی بھڑاس نکال سکتے ہیں آذربائیجان اور آرمینیا کو خبردار کرنے کیلیےایران نے اپنے شاہد ڈرونز دکھا کر انہیں وارننگ دی ہے کہ اگر وہ دونوں ملک ایک دوسرے پر حملہ کرتے ہیں تو یہ دونوں اپنی سرحد تک ہی محدود رہیں ایران کی طرف مڑنے کی کوشش نہ کریں ایران نے آذر بائیجان کی سرحد کے قریب موجود اپنے تبریز ہوائی اڈے پر اپنی فوج کو ریڈ الرٹ جاری کر دیا ہے اور تبریز کے جنگی جہاز آذربائیجان اور آرمینیا کی ایک ایک حرکت پر نظر رکھے ہوئے ہیں ۔