ترکی کے دباؤ میں آکر سویڈن اور فن لینڈ نیٹو میں شامل نہیں ہو سکتے

یوکرین پر روس کے حملے کی وجہ یوکرین کا نیٹو میں شمولیت کا فیصلہ تھا جو کہ روس کو پسند نہ آیا اور روس نے یوکرین پر حملہ کر دیا اب وہی غلطی فن لینڈ اور سویڈن بھی کر رہے ہیں یہ دونوں ملک بھی نیٹو میں شامل ہونا چاہتے ہیں جس پر روس انھیں کئ بار خبردار کر چکا ہے اور جنگ کی دھمکی بھی دے چکا ہے ۔

روس سے بڑھ کر ترکی جو کہ نیٹو کا ہی ملک ہے وہ سویڈن اور فن لینڈ کی نیٹو میں شمولیت کا سب سے بڑا مخالف ہے ترکی اپنے ہی گروپ نیٹو کو دھمکی دے رہا ہے کہ وہ سویڈن اور فن لینڈ کے خلاف ویٹو کر دے گا بلکہ اب تو یہ بھی امکان ہے کہ ترکی روس کے ساتھ شامل نہ ہو جاۓ ۔

ترکی کی نیٹو ممالک کے ساتھ ان بن رہتی ہے اور اب ترکی نے نیٹو کی مخالفت بھی کی ہے تو یہی وجہ ہے کہ کچھ ماہرین کے مطابق روس یوکرین جنگ میں ترکی ایسا ملک ثابت نہ ہوجاۓ جو نیٹو کو ہی لے ڈوبے اب تک ترکی روس ، یوکرین جنگ میں دونوں ممالک کے ساتھ کھڑا رہا ہے ترکی نے یوکرین کو اپنے ہتھیار دے کر یوکرین کی مدد کی ہے دوسری طرف روس کیلیے بھی اپنے ہوائ اڈے بند نہیں کیے اور نہ ہی امریکہ اور یورپی ملکوں کی طرح روس پر پابندیاں لگائ ہیں ترکی روس سے گیس بھی متواتر خرید رہا ہے اورروس گیس کی فروخت سے پیسہ کما کر یوکرین کے خلاف استعمال کر رہا ہے ۔

صرف یہی نہیں بلکہ تین سال پہلے ترکی نے روس سے ایس 400 ایئئر ڈیفنس سسٹم خرید کر اپنے ہی گروہ کے امریکہ جیسے ملک کوناراض بھی کر دیا تھا کیونکہ ترکی نے نیٹو میں شامل ہونے کے باوجود ڈیفنس سسٹم جیسا اہم ہتھیار نیٹو کے دشمن روس سے خریدا تھا ۔

نیٹو میں ترکی کا کردار ہمیشہ سے باغی جیسا رہا ہے کئ ملکوں سے اس کی مخالفت رہتی ہے خصوصاََ اپنے پڑوسی ملک یونان سے تو اس کی رقابت کافی پرانی ہےبلکہ اپریل میں تو ترکی کے کئ جنگی طیارے یونان کے قریب دیکھے گۓ تھے فرانس سے بھی ترکی کی مخالفت ہے ترکی کئ بار نیٹو کی مشترکہ فوجی مشقوں میں حصہ لینے سے بھی انکار کر چکا ہے بلکہ ترکی کئ بار نیٹو سے نکلنے کی دھمکی بھی دے چکا ہے ۔

سوال یہ ہے کہ اس سب کے باوجود نیٹو نے ترکی کو اتنی اہمیت کیوں دے رکھی ہے دراصل روس کا پڑوسی ترکی نیٹو کیلیے بہت اہم ہے اس کی سب سے بڑی وجہ دنیا کے نقشے پر ترکی کا وجود ہے نیٹو کیلیے ترکی یورپ سے آگے وسطی ایشیا اور بلیک سی سے ملانے کیلیے واحد اور اہم راستہ ہے دوسری وجہ ترکی کی فوجی طاقت ہے جو نیٹو کیلیے بہت اہم ہے  اور اگر ترکی نیٹو سے نکل گیا تو نیٹو کی اہمیت بہت گر جاۓ گی اس لیے ترکی کے اس روکھے انداز کے باوجود نیٹو نے ترکی کو سر آنکھوں پر بٹھا رکھا ہے ۔

مزید پڑھیں: روس ،چین ، شمالی کوریا اور ترکی نے ایک نیا حیران کن منصوبہ دنیا کے سامنے رکھ دیا