شہباز حکومت کا عوام کے لیے ریلیف کا اعلان،پٹرولیم مصنوعات کی فی لٹر قیمت میں 10روپے تک کمی کا امکان

13, جولائی , 2022

بریکنگ نیوز ٹوڈے :با وثوق ذرائع سے معلوم ہوا کہ آئندہ دنوں میں پیٹرول کی فی لیٹر قیمت میں 10 روپے تک کمی ہونے کا امکان ہے، ذرائع پیٹرولیم ڈویژن کے مطابق پیٹرول کی فی لیٹر قیمت میں 10 روپے جبکہ ڈیزل کی قیمت میں 25 روپے فی لیٹر تک کمی کا امکان ہے۔

نیوز ٹوڈے : پیٹرولیم مصنوعات کی قیمتوں میں فوری کمی کے لیے وفاقی کابینہ کی منظوری درکار ہو گی، کابینہ کی منظوری کے بعد حتمی طور پر کو ئی فیصلہ سنایا جا ئے گا ۔

نیوز الرٹ ٹوڈے : پیٹرولیم ڈویژن کے مطابق وفاقی کابینہ کی منظوری کے بغیر 16جولائی سے قبل قیمتوں میں کمی نہیں کی جا سکتی۔

ذرائع کا یہ بھی کہنا ہے کہ وفاقی کابینہ نے 15 روز کی بنیاد پر پیٹرولیم مصنوعات کی قیمتوں میں رد و بدل کی منظوری دے رکھی ہے۔

واضح رہے کہ آئی ایم ایف کی کڑی شرائط کے بعد نہ صرف عوام کی جانب سے ردِ عمل دیکھنے میں آیا بلکہ ن لیگ کی اپنی جماعت میں سے کئی لوگوں نے مہنگائی کے خلاف آواز اٹھائی اور عوام کو ریلیف دینے کی بات کی ۔