روس نے یوکرین کے قابض علاقوں کے حوالے سے ایسا منصوبہ تیار کیا ہے جس نے زیلینسکی کی نیندیں اڑا دیں

روس یوکرین جنگ کے حوالے سے امریکہ کی ایک خفیہ ایجنسی کی رپورٹ نے زیلینسکی کے پاؤں تلے زمین کھینچ لی جب رپورٹ میں یہ دعوٰی کیا گیا کہ روس یوکرین کے دو ٹکڑے کر دے گا پچھلے چھ مہینوں سے جاری جنگ میں روس نے یوکرین کے کئ علاقوں پر قبضہ کر لیا ہے بے شک کیو کے علاقے پر روسی فوج ابھی تک قبضہ کرنے میں کامیاب نہیں ہو سکی لیکن یوکرین کے قابض علاقوں کو لے کر پیوٹن کی فوج نے ایک بڑا منصوبہ تیار کیا ہے ۔

پیوٹن کا نیا منصوبہ یہ ہے کہ وہ یوکرین کو دو ٹکڑوں میں تقسیم کر دیں گے یوکرین کے وہ علاقے جہاں روسی فوج کا قبضہ ہو چکا ہے وہاں پیوٹن نے ریفرنڈم کروانے کا منصوبہ بنایا ہے خیر سون ، خارکیو اور زیپورزیا میں استصواب راۓ عامہ  کا منصوبہ تیار کیا گیا ہے ۔

امریکی انٹیلیجنس کی اس رپورٹ سے زیلینسکی کی پریشانی بڑھ گئ ہے اور زیلینسکی نے خیر سون کو روس کے قبضے سے نکالنے کیلیے اپنی پوری طاقت لگا دی ہے لیکن یوکرین کی کوششوں کے باوجود روسی فوج سے خیر سون کا قبضہ چھڑانا کچھ آسان دکھائ نہیں دے رہا ۔

مائیکولیو کےگورنر وٹالی کم کا کہنا ہے کہ خیر سون کو روسی قبضے سے چھڑانے کیلیے یوکرین کی فوج پچھلے چوبیس گھنٹوں سے جنگ  لڑ رہی ہے لیکن روس کسی صورت اب خیر سون کو ہاتھ سے جانے نہیں دے گا کیونکہ روس کے علاقے کریمیا تک پینے کا پانی صرف خیر سون سے ہی جاتا ہے اگر خیر سون پر دوبارہ یوکرین کا قبضہ ہو گیا تو کریمیا پھر بنجر ہو جاۓ گا ۔

روس نے یوکرین کے کئ علاقوں پر قبضہ کرنے کے ساتھ  ساتھ  یورپی ملکوں پر بھی جوابی حملے شروع کر دیے ہیں اور فرانس کو روس کی بڑی کمپنی گز پروم نے گیس کی سپلائ روک دی یورپی ملکوں نے روس پر پابندیاں لگا کر روس پر حملہ کیا تھا اب روس نے بھی اپنے تیل اور گیس کو ہتھیار کے طور پر استعمال کرتے ہوۓ گیس اور تیل روک کر جوابی حملہ کیا ہے ۔