سونے کی قیمت 224,000 روپے فی تولہ تک جا پہنچی

17, اگست , 2023

نیوزٹوڈے: پاکستان میں سونے کی قیمت میں رواں ہفتے مسلسل دوسرے روز بھی اضافہ ہوا، جس کے بعد سونے کی قیمت میں 900 روپے کا اضافہ ہوا۔ (اے پی ایس جی جے اے) کے مطابق گزشتہ روز سونے (24 قیراط) کی قیمت میں 900 روپے کا اضافہ ہوا۔ جبکہ 10 گرام سونے کی قیمت میں 771 روپے کا اضافہ ہوا جو کہ 191,872 روپے تک جا پہنچا ہے۔ منگل کے روز سونے کی قیمت میں 1,100 روپے کا اضافہ ہوا ہے جس کا مطلب ہے، کی مجموعی طور پر دو روز تک دو ہزار فی تولہ اضافہ دیکھا گیا ہے۔

پاکستانی روپے نے امریکی ڈالر کے مقابلے میں اپنی گراوٹ کا سلسلہ آج بھی جاری رکھا اور انٹر بینک مارکیٹ میں 1.16 فیصد کی کمی کے بعد 294.93 پر آ گیا۔ شرح مبادلہ میں معمولی اتار چڑھاؤ عام طور پر سونے کی مقامی قدر کو متاثر نہیں کرتا، تاہم روپے کی مسلسل گرتی ہوئی قدر آنے والے دنوں میں سونے کی قیمتوں میں اضافے کا باعث بن سکتی ہے۔