بینک صارفین کی شکایات حل کرنے کے لیے ایپ جاری کر دی گئی

03, جنوری , 2024

نیوزٹوڈے: بینک صارفین کی شکایات کو حل کرنے کے لیے پورٹل اور ایپ "سنوائی" کا آغاز کر دیا گیا، جس کے ذریعے صارفین کسی بھی بینکاری پروڈکٹ اور سہولت کے حوالے سے اپنی شکایات درج کروا سکتے ہیں۔ صارفین اب روشن ڈیجیٹل اکاونٹس سمیت کسی بھی بینکاری پروڈکٹ اور سہولت کے حوالے سے اپنے شکایت درج کرا سکتے ہیں۔

ترجمان اسٹیٹ بینک نے کہا پورٹل "سنوائی" صارفین کے لیے ون ونڈو آپریشن کی حثیت رکھتا ہے، جہاں وہ پاکستان میں کام کرنے والے بینکوں ، مائیکروں فنانس بینکوں اور مالیاتی اداروں کیخلاف اپنی شکایات درج کراسکتے ہیں۔ ترجمان نے بتایا کہ یہ ایپ آئی او ایس اور اینڈرائیڈ فون دونوں میں دستیاب ہے۔