بجلی مزید فی یونٹ 4.12 روپے مہنگی

04, جنوری , 2024

نیوز ٹوڈے: ایک بار پھر نیپرا کی جانب سے عوام پر بجلی کا بم گرا دیا گیا ، فی یونٹ 4 روپے 12 پیسے کا اضافہ کر دیا گیا ہے۔ گذشتہ سال سی پی پی اے نے فیول پرائس کی مد میں چار روپے 66 پیسے کا اضافہ مانگا تھا، جس پر نیپرا نے کچھ ہفتے پہلے سماعت کے بعد فیصلہ محفوظ کیا تھا،قیمتوں کا اطلاق کے الیکٹرک صارفین پر نہیں ہو گا۔

نوٹیفیکیشن کے مطابق، اضافے میں فیول پرائس اور بقایاجات کی مد میں وصولیاں شامل ہیں، ان کا وصول جنوری کے بلوں میں ہی کیا جائے گا ، صارفین پر اب 35 ارب سے زیادہ کا بوجھ پڑے گا۔