عمران کی رہائی کی کوششوں میں میرا کوئی کردار نہیں، فضل الرحمان

  • 14, نومبر , 2024
فضل الرحمان

نیوز ٹوڈے:   جے یو آئی (ف) کے سربراہ مولانا فضل الرحمان نے کہا ہے کہ کسی سیاستدان کو قید کرنے کے حق میں نہیں اور پی ٹی آئی کے بانی کی رہائی کی کوششوں میں میرا کوئی کردار نہیں۔

لندن میں میڈیا سے گفتگو کرتے ہوئے مولانا فضل الرحمان نے لندن میں خواجہ آصف کے ساتھ پیش آنے والے واقعے کی مذمت کی۔مولانا فضل الرحمان نے کہا کہ خواجہ آصف کے معاملے میں قانونی کارروائی کرنا برطانیہ کی ذمہ داری ہے۔

ایک سوال کے جواب میں ان کا کہنا تھا کہ ہم امریکا کی سیاست میں مداخلت نہیں کرتے اور نہ ہی انہیں اپنے ملک میں مداخلت کی اجازت دے سکتے ہیں، امریکا میں ریپبلکنز کی حکومت ہو یا ڈیموکریٹس کی، دنیا کے لیے ان کی پالیسی ایک ہی ہے۔

مولانا فضل الرحمان نے کہا کہ آئین اور جمہوریت کا راتوں رات قتل کیا گیا۔ جمہوریت کی کمزوری میں سیاست دانوں کا بڑا ہاتھ ہے۔ان کا مزید کہنا تھا کہ میں کسی سیاستدان کو قید کرنے کے حق میں نہیں، بانی پی ٹی آئی کی رہائی کی کوششوں میں میرا کوئی کردار نہیں۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام