پی ٹی آئی کی آخری احتجاجی کال، کیا حکمت عملی ہوگی؟

15, نومبر , 2024

نیوز ٹوڈے : وزیراعلیٰ خیبرپختونخوا علی امین گنڈا پور نے کہا ہے کہ ہم اپنا حق مانگنے دوبارہ اسلام آباد جائیں گے، ابھی حکمت عملی نہیں بتا سکتے۔صوبائی دارالحکومت میں میڈیا سے گفتگو کرتے ہوئے وزیراعلیٰ خیبرپختونخوا علی امین گنڈا پور نے کہا کہ اپنا حق مانگنے کے لیے دوبارہ اسلام آباد جاؤں گا۔ یہ مظالم وحشیانہ ہیں، ہم ان کے عادی ہیں۔ آئین نے ہمیں احتجاج کا حق دیا ہے۔

انہوں نے کہا کہ اسلام آباد جا کر احتجاج کروں گا۔ احتجاج، جلسے کے لیے ہماری تیاری ہمیشہ مکمل ہے۔ حکمت عملی ابھی نہیں بتا سکتا، لیکن بہت اچھا ہو جائے گا. ہمیں پرامن احتجاج کرنے کا حق ہے، ہم پرامن احتجاج کرتے ہیں، ہمارا راستہ روکا جاتا ہے۔ علی امین گنڈا پور نے کہا کہ وفاقی حکومت ہم پر تشدد کرتی ہے، ربڑ کی گولیاں استعمال کرتی ہے، خندقیں کھودتی ہے۔ اگر وہ ایسا کرتے ہیں تو ہم بھی اس کے عادی ہیں۔

وزیراعلیٰ کے پی نے کہا کہ عدالت میں کیا چل رہا ہے اس پر بات نہیں کرتے۔