بلائنڈ ٹی ٹوئنٹی ورلڈ کپ میں پاکستان نیپال کو 10 وکٹوں سے شکست دے کر سیمی فائنل میں پہنچ گیا

28, نومبر , 2024

نیوز ٹوڈے : پاکستان بلائنڈ کرکٹ ٹیم بلائنڈ ٹی ٹوئنٹی ورلڈ کپ میں نیپال کو 10 وکٹوں سے شکست دے کر سیمی فائنل میں پہنچ گئی۔بلائنڈ ٹی ٹوئنٹی کرکٹ ورلڈ کپ میں بدھ کو لاہور مرحلے کے آخری روز تین میچ کھیلے گئے۔

نیپال کی ٹیم پاکستان بلائنڈ کے خلاف 5 وکٹوں پر 100 رنز بنا سکی، پاکستان نے 101 رنز کا ہدف 6.3 اوورز میں بغیر کسی نقصان کے حاصل کر لیا۔ نعمت اللہ نے 30 گیندوں پر 73 رنز کی ناقابل شکست اننگز کھیلی۔

گزشتہ میچ میں سری لنکا نے جنوبی افریقہ کو 53 رنز سے شکست دی تھی، 218 رنز کے تعاقب میں افریقی ٹیم 9 وکٹوں پر 164 رنز بنا سکی تھی۔ایک اور میچ میں بنگلہ دیش نے افغانستان کو 8 وکٹوں سے شکست دے دی، فاتح ٹیم نے 12 اوورز میں 150 رنز کا ہدف حاصل کر لیا۔