پارٹی کو آگے لے جانے کے لیے نئی قیادت پر غور کیا جا رہا ہے: رؤف حسن

  • 29, نومبر , 2024
رؤف حسن

نیوز ٹوڈے :   تحریک انصاف کے رہنما رؤف حسن نے کہا ہے کہ بشریٰ بی بی اور علی امین گنڈا پور خود بتائیں گے کہ 26 نومبر کو اسلام آباد میں کیا ہوا۔ رؤف حسن نے کہا کہ اسلام آباد میں جو کچھ ہوا وہ سنگین معاملہ ہے اور بشریٰ بی بی اور علی امین گنڈا پور خود بتائیں گے کہ وہاں کیا ہوا، وہاں سے کیوں گئے۔

بشریٰ بی بی کو دھرنے سے زبردستی لے جانے کے سوال پر انہوں نے کہا کہ میں نہیں سمجھتا کہ کسی کو زبردستی وہاں سے لے جایا جائے، خاص طور پر اس وقت جب وہاں گولیاں چل رہی تھیں، جبکہ ان کی (علی امین اور بشریٰ بی بی) کی گاڑی بھی تھی۔ گولیاں لگیں، جس کے بعد بہتر آپشن یہ تھا کہ انہیں وہاں سے ہٹایا جائے۔

پی ٹی آئی پر پابندی کی خبروں پر بات کرتے ہوئے رؤف حسن کا کہنا تھا کہ پی ٹی آئی پر پابندی لگانا آسان کام نہیں، لیکن آج کل بہت سی غیر معمولی باتیں ہو رہی ہیں، اگر ایسا کچھ ہوا تو قانونی کارروائی کریں گے۔

انہوں نے مزید کہا کہ اس وقت ہم اپنے اندر جھانک رہے ہیں کہ ہم سے کہاں غلطیاں ہوئیں، نئی قیادت پارٹی کو آگے لے جانے پر غور کر رہی ہے۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام