اٹلی: فٹبال میچ کے دوران فٹبالر بیہوش ہوگیا، انتہائی نگہداشت وارڈ میں منتقل کردیا گیا

02, دسمبر , 2024

نیوز ٹودے : انٹر میلان کے خلاف میچ کے دوران فیورینٹینا کے مڈفیلڈر ایڈورڈ بوسری کی طبیعت اچانک خراب ہو گئی اور وہ میچ کے دوران زمین پر گر کر بے ہوش ہو گئے۔

میچ کے 16ویں منٹ میں ایڈورڈ زمین پر اپنے جوتوں کے تسمے باندھے بیٹھے تھے۔ جیسے ہی وہ اٹھا اور چلنے لگا تو اچانک اسے کچھ ہوا اور وہ زمین پر گر کر بے ہوش ہوگیا۔ زمین پر موجود اس کے ساتھیوں نے فوری طور پر طبی امداد کے لیے اشارہ کیا۔

22 سالہ ایڈورڈ کو میدان میں بنیادی طبی امداد دینے کے بعد اسے اسٹریچر پر ڈال کر میدان کے قریب موجود ایمبولینس میں منتقل کیا گیا۔

بعد ازاں کھلاڑی اداس چہروں کے ساتھ میدان چھوڑ کر چلے گئے اور میچ منسوخ کر دیا گیا۔غیر ملکی میڈیا کے مطابق ایڈورڈ کو فلورنس کے کریگی یونیورسٹی ہسپتال کے انتہائی نگہداشت وارڈ میں منتقل کر دیا گیا ہے جہاں ان کا علاج جاری ہے۔