سنیل گواسکر آسٹریلیا کے ہاتھوں 10 وکٹوں کی ذلت آمیز شکست کے بعد بھارت پر برس پڑے

نیوز ٹوڈے :  آسٹریلیا کے ہاتھوں دوسرے ٹیسٹ میچ میں 10 وکٹوں کی بدترین شکست کے بعد سابق بھارتی کپتان سنیل گواسکر نے بھارت پر تنقید کی۔پانچ ٹیسٹ میچوں کی سیریز کے دوسرے میچ میں آسٹریلیا نے بھارت کو 10 وکٹوں سے شکست دے کر سیریز 1-1 سے برابر کر دی۔ آسٹریلیا نے ایڈیلیڈ میں کھیلے گئے دوسرے ٹیسٹ کے تیسرے دن اتوار کو بغیر کوئی وکٹ کھوئے 19 رنز کا مطلوبہ ہدف حاصل کر لیا۔

بھارتی کرکٹ ٹیم بارڈر گواسکر ٹرافی کے دوسرے ٹیسٹ کی پہلی اننگز میں 180 رنز پر ڈھیر ہوگئی۔ سنیل گواسکر نے کہا کہ 'بقیہ تین میچوں کو تین میچوں کی سیریز کے طور پر دیکھیں، بھول جائیں کہ یہ پانچ ٹیسٹ میچوں کی سیریز تھی، میں چاہوں گا کہ ہندوستانی ٹیم اگلے تمام دنوں پریکٹس سیشن کرے'۔

انہوں نے کہا، "یہ بہت اہم ہے، آپ صرف اپنے ہوٹل کے کمرے میں یا جہاں بھی جا رہے ہیں نہیں بیٹھ سکتے، کیونکہ آپ یہاں کرکٹ کھیلنے کے لیے آئے ہیں، اسی لیے پریکٹس بہت ضروری ہے۔"

سابق کپتان نے کہا کہ آپ کو پورا دن پریکٹس کرنے کی ضرورت نہیں ہے، آپ صبح یا دوپہر جو بھی وقت منتخب کریں ایک سیشن کر سکتے ہیں، لیکن ان دنوں کو ضائع نہ کریں، اگر ٹیسٹ میچ پورے پانچ دن چلا۔ آپ ان فارغ دنوں میں ٹیسٹ میچ کھیل رہے ہوتے۔"

واضح رہے کہ بھارت نے پہلے ٹیسٹ میچ میں آسٹریلیا کو 295 رنز سے شکست دی تھی۔