چیمپئنز ٹرافی: پاکستان اپنے فیوژن ماڈل پر قائم ہے، فیصلہ رواں ہفتے متوقع

11, دسمبر , 2024

نیوز ٹوڈے : چیمپئنز ٹرافی کا معاملہ تاحال کسی حتمی فیصلے پر نہیں پہنچا۔ذرائع کے مطابق چیمپئنز ٹرافی کے حوالے سے مذاکرات جاری ہیں جس کے لیے پی سی بی کے اعلیٰ حکام دبئی میں موجود ہیں اور مذاکراتی عمل کا حصہ ہیں۔ پی سی بی آئی سی سی کے ساتھ ایگزیکٹو لیول پر بات چیت جاری رکھے ہوئے ہے اور پاکستان اپنے فیوژن ماڈل سے پیچھے نہیں ہٹا۔

ذرائع کا کہنا ہے کہ پی سی بی کے اعلیٰ عہدیدار کی مشاورت اور احکامات کی روشنی میں مذاکرات جاری ہیں اور رواں ہفتے چیمپئنز ٹرافی کے حوالے سے فیصلہ ہونے کا قوی امکان ہے۔واضح رہے کہ چیمپئنز ٹرافی کے شیڈول کی عدم دستیابی کے باعث کئی معاملات التوا کا شکار ہیں۔