جنوبی افریقہ کے خلاف ٹیسٹ سیریز سے قبل قومی ٹیم کے ایک اور کوچ کو برطرف کر دیا گیا

نیوز ٹوڈے :  پاکستان کرکٹ بورڈ نے جنوبی افریقہ کے خلاف ٹیسٹ سیریز سے قبل ریڈ بال ٹیم کے ڈپٹی کوچ ٹم نیلسن جیسن گلیسپی کو برطرف کر دیا ہے۔پاکستان کرکٹ بورڈ نے ٹم نیلسن کو ٹیسٹ ٹیم کے نائب کوچ جیسن گلیسپی کو عہدے سے ہٹا دیا ہے۔ یہ فیصلہ ایک ایسے وقت میں سامنے آیا ہے جب پاکستان کو چند روز میں جنوبی افریقہ کے خلاف دو ٹیسٹ میچوں کی سیریز کھیلنی ہے۔

ٹم نیلسن نے غیر ملکی ویب سائٹ سے بات کرتے ہوئے اس بات کی تصدیق کرتے ہوئے کہا کہ ٹیم اچھی کارکردگی کا مظاہرہ کر رہی ہے لیکن پی سی بی نے میرے معاہدے کی تجدید نہیں کی۔ مجھے بتایا گیا کہ اب میری ضرورت نہیں رہی۔

ذرائع کا کہنا ہے کہ ٹم نیلسن کی برطرفی سے جیسن گلیسپی کا مستقبل بھی خطرے میں پڑ گیا ہے۔جیسن گلیسپی جو اس وقت آسٹریلیا میں ہیں اگلے ہفتے جنوبی افریقہ میں پاکستانی ٹیم کو جوائن کریں گے۔واضح رہے کہ پاکستان اور جنوبی افریقہ کے درمیان دو ٹیسٹ میچوں کی سیریز کھیلی جانی ہے۔ پہلا ٹیسٹ میچ 26 دسمبر سے سنچورین میں شروع ہوگا۔

واضح رہے کہ دو ماہ قبل دورہ آسٹریلیا سے قبل وائٹ بال ٹیم کے کوچ گیری کرسٹن نے استعفیٰ دے دیا تھا اور پی سی بی نے یہ استعفیٰ منظور کرتے ہوئے جیسن گلیسپی کو دورہ آسٹریلیا کے لیے وائٹ بال ٹیم کا عبوری ہیڈ کوچ مقرر کیا تھا۔ بعد ازاں عاقب جاوید کو چیمپئنز ٹرافی تک یہ ذمہ داری سونپی گئی۔