پاکستان ٹیم کے نئے عبوری کوچ کا اعلان کر دیا گیا

13, دسمبر , 2024

نیوز ٹوڈے : سابق فاسٹ باؤلر عاقب جاوید کو پاکستان کی ریڈ بال ٹیم کا عبوری ہیڈ کوچ مقرر کر دیا گیا ہے۔تفصیلات کے مطابق پی سی بی نے ریڈ بال ٹیم کے ہیڈ کوچ جیسن گلیسپی کا استعفیٰ منظور کرتے ہوئے ان کی جگہ عاقب جاوید کو ریڈ بال ٹیم کا عبوری ہیڈ کوچ مقرر کر دیا ہے۔

ریڈ بال کے ہیڈ کوچ جیسن گلیسپی نے آج اپنی ذمہ داریوں سے استعفیٰ دے دیا۔ عاقب جاوید کی پہلی اسائنمنٹ جنوبی افریقہ کے خلاف ٹیسٹ سیریز ہوگی۔ پہلا ٹیسٹ 26 سے 30 دسمبر تک سنچورین میں کھیلا جائے گا، دوسرا ٹیسٹ 3 سے 7 جنوری تک کیپ ٹاؤن میں کھیلا جائے گا۔

قومی ٹیم اس وقت جنوبی افریقہ میں ٹی ٹوئنٹی سیریز کھیل رہی ہے جب کہ ٹی ٹوئنٹی کے بعد 3 ون ڈے میچز کی سیریز کھیلی جائے گی۔