جنوبی افریقہ کے خلاف ون ڈے میں سنچری، صائم نے لارا کا 31 سال پرانا انوکھا ریکارڈ توڑ دیا۔

  • 18, دسمبر , 2024
صائم ایوب

نیوز ٹوڈے :    جنوبی افریقہ کے خلاف پہلے ون ڈے میں شاندار سنچری بنانے والے پاکستان کے نوجوان بلے باز صائم ایوب نے ویسٹ انڈیز کرکٹ ٹیم کے سابق کپتان برائن لارا کا 31 سال پرانا انوکھا ریکارڈ توڑ دیا۔منگل کو 3 ایک روزہ میچوں کی سیریز کا پہلا میچ جنوبی افریقہ کے شہر پارل میں کھیلا گیا جس میں پاکستان نے میزبان ٹیم کو 3 وکٹوں سے شکست دی۔

جنوبی افریقہ کے 240 رنز کے ہدف کے تعاقب میں پاکستانی اوپنر صائم ایوب نے شاندار سنچری اسکور کی اور 109 رنز کی اننگز کھیلی۔

22 سالہ صائم ایوب نے جنوبی افریقہ کے خلاف سنچری بنا کر برائن لارا کا 31 سال قبل قائم کردہ ریکارڈ توڑ دیا۔ صائم ایوب جنوبی افریقہ کے خلاف ہدف کا تعاقب کرتے ہوئے ون ڈے کرکٹ میں سنچری بنانے والے دنیا کے کم عمر ترین بلے باز بن گئے ہیں۔

اس سے قبل برائن لارا نے 23 سال 297 دن کی عمر میں 1993 میں جنوبی افریقہ کے خلاف ون ڈے میچ میں سنچری بنائی تھی۔

واضح رہے کہ پاکستان نے جنوبی افریقہ کے خلاف 3 ایک روزہ میچوں کی سیریز میں 1-0 کی برتری حاصل کر لی ہے۔ سیریز کا دوسرا ون ڈے کل کھیلا جائے گا۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام