موٹر وے پولیس کا بڑا اقدام،ٹریکر سسٹم کے ذریعے بسوں کی نگرانی شروع

22, اگست , 2022

بریکنگ نیوز ٹوڈے : موٹر وے پولیس کے آئی جی خالد محمودنے بیان دیا ہے کہ حفاظتی اقدامات کے پیشِ نظر جدید ٹریکر سسٹم کا قانون شروع کیا گیا ہے، جس کے ذریعے پولیس کی جانب سے بسوں کی کڑی نگرانی کی جا رہی ہے۔

نیوز ٹوڈے : آئی جی خالد محمود کی ہدایات پر مسافر بردار گاڑیوں کے حوالے سے اقدامات کرتے ہوئے مسافروں اور بس کے عملے کے لیے تربیتی پروگرام بھی شروع کروایا جا چکا ہے ۔

آئی جی موٹر وے پولیس کے ترجمان کی جانب سے بیان کیا گیا کہ ناخوش گوار صورتِ حال پر قابو پانے کے لیے مسافروں اور بس کے عملے کی تربیت کا آغاز کیا گیا ۔

نیوز الرٹ ٹوڈے : آئی جی موٹروے پولیس خالد محمود کا کہنا ہے کہ حفاظتی اقدامات پر فیلڈ افسران ہر صورت عمل درآمد کو یقینی بنائیں، تاکہ عوام کء قیمتی جان و مال کی حفا ظت کی جا سکے ۔

انہوں نے مزید کہا ہے کہ مسافر اور عملے کے ارکان موٹر وے پولیس کے ساتھ بھرپور تعاون کر کے عوام اور حکام دونو ں کی بہتری کے اسباب پیدا کر سکتے ہیں ۔