علی ظفر کا سیاستدانوں کو مشورہ ،قوم کے لیے اپنی دولت کا 5 فیصد پاکستان کو عطیہ کریں
- 27, جون , 2022
نیوز ٹوڈے:علی ظفر نے ملک کے سیاسی رہنماؤں سے پاکستان کی موجودہ معاشی صورتحال کے حوالے سے اپیل کی ہے۔
سماجی رابطے کی ویب سائٹ ٹوئٹر پر جاری بیان میں علی ظفر کا کہنا تھا کہ ’میں تمام سیاسی رہنماؤں سے درخواست کرتا ہوں کہ وہ اپنی دولت کا 5 فیصد پاکستان کو عطیہ کریں تاکہ قوم کی حوصلہ افزائی ہو اور وہ بھی آگے آئیں اور آپ کے نقش قدم پر چل سکیں۔
پاکستان میں مشہور شخصیات بڑھتی ہوئی مہنگائی اور مہنگی قیمتوں کے باعث حکومت کے خلاف بول رہی ہیں۔ جیسا کہ فیصل قریشی نے چند روز قبل انتظامیہ کے حوالے سے کہا تھا کہ ’’ہم پاکستان کو اس نچلی سطح پر پہنچانے کے لیے محض ایک دوسرے پر الزامات لگا رہے ہیں‘‘۔ اور اگر یہ صورتحال جاری رہی تو ہم روشن مستقبل کا تصور بھی نہیں کر سکتے۔
علی ظفر کی اپیل میں حکومت کو سنجیدہ اقدامات کرنے کی ضرورت پر زور دیا گیا ہے۔ اور اپنے ملک کو آگے بڑھانے کے لیے ہم سب کو مل کر کام کرنا چاہیے۔
تبصرے