بیروت میں حماس ، حزب اللٰہ اور اسلامی تحریک کے رہنماؤں کی اہم ملاقات

26, اکتوبر , 2023

نیوز ٹوڈے : لبنان کے دارالحکومت بیروت میں حزب اللٰہ ، حماس اور اسلامی تحریک کے رہنماؤں نے ملاقات کی اس سہ فریقی اجلاس کے دوران تینوں رہنماؤں نے طوفان الاقصٰی اور لبنان اسرائیل تنازعات پر تبادلہ خیال کیا اسرائیل اور حماس جنگ کے دوران حزب اللٰہ کے سیکرٹری جنرل حسن نصراللٰہ نے پہلی مرتبہ حماس اور اسلامی تحریک کے رہنماؤں سے ملاقات کی اس اجلاس میں حزب اللٰہ کے جنرل حسن نصراللٰہ ، حماس کے پولیٹیکل بیورو کے نائب صالح العروری اور اسلامی تحریک کے جنرل سیکرٹری زیاد نخالہ شامل تھے ۔

اس ملاقات میں یہ جائزہ لیا گیا کہ جنگ کے اس وقت پوری دنیا کہاں کھڑی ہے اور اسرائیل کی وحشیانہ جارحیت کو روکنے کیلیے کیا اقدامات کیے جائیں تاکہ غزہ اور فلسطین کوحقیقی فتح حاصل ہو اس ملاقات میں روزانہ کی بنیاد پر ہونےوالی پیش رفت پر بھی غور کیا گیا اور غزہ کی موجودہ صورتحال پر بھی تبادلہ خیال کیا گیا تاکہ آئندہ کیلیے لائحہ عمل تیار کیا جا سکے ۔