بھارت ایک بار پھر منشیات کا عالمی گڑھ بن گیا ، رپورٹ

نیوزٹوڈے: عالمی رپورٹ کے مطابق، بھارت ایشیاء میں منشیات کی اسمگلنگ اور افیون کے استعمال کا مرکز بن چکا ہے، جس میں وزیراعظم نرندر مودی کے قریبی ساتھی گوتم اڈانی بھی ملوث ہیں۔ ورلڈ ڈرگ رپورٹ کے انکشافات کے مطابق، جنوبی ایشیاء کے 90٪ اور دنیا کے 34٪ افیون کے عادی لوگ بھارتی ہیں، اور بھارتی نارکوٹکس کنٹرول بورڈ کا کہنا ہے کہ نشے کے شکار بھارتی شہریوں کی تعداد 5 کروڑ سے زائد ہے۔ رپورٹ میں گوتم اڈانی کی ملوثیت کا بھی ذکر ہے، جو کہ منشیات کی اسمگلنگ میں شامل ہیں۔

اس کے علاوہ، بچوں کے منشیات کے استعمال میں گزشتہ دہائی میں 21٪ اضافہ ہوا ہے، اور 87٪ منشیات بھارت میں سمندری راستے سے پہنچتی ہیں۔ بھارتی حکام نے حال ہی میں مندرا بندرگاہ سے 3 ٹن ہیروئن برآمد کی تھی، جس کا انتظامی کنٹرول گوتم اڈانی کی کمپنی کے پاس ہے، تاہم حکومت نے ان کے خلاف کوئی تحقیقات نہیں کی۔

سابق بھارتی وزیر داخلہ چدمبرم کا کہنا ہے کہ حکومتی سرپرستی کے بغیر مندرا پورٹ سے منشیات کی کھیپ کلیئر نہیں ہو سکتی۔ ورلڈ ڈرگ رپورٹ کے مطابق، بھارت میں منشیات کے بڑے تاجر لدھیانہ کے اکشے چھابڑا اور سندیپ سنگھ ہیں، اور یہ منشیات میانمار سے ناگالینڈ، میزورام اور منی پور کے راستے بھارت میں داخل ہوتی ہیں، جہاں بی جے پی کی حکومت ہے۔