جان کربی نے دیا بیان نیتن یاہو نے روزانہ 4 گھنٹے کی جنگ بندی کی امریکی تجویز کو مان لیا

10, نومبر , 2023

نیوز ٹوڈے : غزہ میں اسرائیلی فوج کی بمباری لگاتار جاری ہے چوبیس گھنٹوں کے دوران اسرائیلی حملوں میں 200 فلسطینی شہید ہوۓ ہیں اب تک مجموعی طور پر شہید ہونے والے فلسطینیوں کی تعداد گیارہ ہزار ہو چکی ہے اسرائیلی حملوں میں اب تک اقوم متحدہ کے 99 اہلکار بھی ہلاک ہو چکے ہیں اقوم متحدہ کی امدادی ایجنسی نے کہا ہے کہ غزہ کے علاقے خوراک پانی اور ادویات پر پابندی لگانا 10 لاکھ سے زائد فلسطینیوں کیلیے اجتماعی سزا سے کم نہیں غزہ کے لوگوں کو اپنے گھر بار چھوڑنے پر مجبور کرنا جبری بے دخلی ہے اور عالمی قوانین کی خلاف ورزی ہے ۔

امریکہ کی قومی سلامتی کے مشیر جان کربی کا کہنا ہے کہ اسرائیل شمالی غزہ کے علاقے میں امداد کی فراہمی زخمیوں کے علاج اور متاثرہ علاقوں سے لوگوں کے انخلاء کیلیے روزانہ چار گھنٹے کے جنگی وقفے پر راضی ہو گیا ہے اسرائیل کے وزیر اعظم نے کہا ہے کہ ان چار گھنٹوں کے دوران کوئی جنگی کاروائی نہیں کی جاۓ گی جان کربی نے کہا ہے کہ امریکہ چاہتا ہے کہ یہ وقفہ اس وقت تک جاری رہے گا جب تک غزہ میں انسانی بنیادوں پر امداد کی ضرورت ہے ۔