جامعہ یونیورسٹی کے ہاسٹل سے 21 سالہ طالب علم کی کئ روز پرانی لاش برآمد

نیوز ٹوڈے:   کراچی میں ناردرن بائی پاس کے قریب جامعہ یونیورسٹی کے جامعہ ہمدرد کے ہاسٹل سے 21 سالہ طالب علم کی کئی روز پرانی لاش ملی ہے پولیس ذرائع کے مطابق متوفی امن کمار گزشتہ دو سال سے اس یونیورسٹی میں انجینئرنگ کے شعبے میں تھرڈ سمسٹر کا طالب علم تھا متوفی کا تین چار روز سے گھر والوں سے کوئی رابطہ نہ ہوا تو اس کے گھر والوں نے امن کے پرانے روم میٹس اور دوستوں سے رابطہ کرنے کی کوشش کی لیکن کسی سے اس کے متعلق کچھ معلوم نہ ہو سکا اور معلوم کرنے پر پتہ چلا کہ کہ یونیورسٹی میں ہو رہے پیپرز میں امن پیر کے روز غیر حاضر تھا اس نے تھرڈ سمسٹر کا آخری پرچہ نہیں دیا ۔

اس کے پڑوس والے کمرے کے رہائشی سبحان نامی طالبعلم نے بتایا کہ جمعہ اور ہفتہ کی درمیانی شب رات گۓ تک امن کے دوست اس کے کمرے میں موجود تھے جب وہ چلے گۓ تو اس کے بعد پھر کمرے کا دروازہ نہیں کھلا وہ کمرے میں اکیلا ہی رہتا تھا ہاسٹل انتظامیہ نے امن کمار کی تلاش کیلیے جب اس کے کمرے کا دروازہ کھولا تو تو کمرے میں پلنگ پر تعفن زدہ امن کی لاش پڑی تھی اس کے منہ اور ناک سے خون رس رہا تھا لاش تقریباً چار روز پرانی تھی امن کمار تین بہنوں کا اکلوتا بھائی تھا ابتدائی تحقیق کے مطابق امن کمار طبعی موت مرا ہے مزید معلومات کیلیے امن کی لاش کو ہسپتال منتقل کر دیا گیا ہے امن کی موت کے بعد یونیورسٹی ہاسٹل کی انتظامیہ پر کئی سوال اٹھاۓ جا رہے ہیں کہ کیا ہاسٹل میں کوئی صفائی ستھرائی کا انتظام نہیں ہے اور انتظامیہ کی غفلت اور لاپرواہی کہ چار روز سے بند کمرے کے متعلق انتظامیہ کو کوئی تشویش کیوں نہیں ہوئی ۔