غزہ کی عوم کو ملا ایک اور دن کھلی فضا میں رہنے کیلیے

01, دسمبر , 2023

نیوز ٹوڈے: غزہ جنگ بندی معاہدہ میں ایک اور دن کی توسیع کا اعلان کیا گیا ہے قطر نے جمعہ تک غزہ میں جنگ بندی معاہدہ کی تصدیق کر دی اسرائیلی فوج نے اپنے ایک بیان میں کہا ہے کہ ثالثوں کی کوششوں سے جنگ بندی میں ایک اور دن کا اضافہ کیا گیا ہے اس توسیع میں سابقہ جنگ بندی قواعد وضوابط پر ہی عمل ہو گا یہ جنگ بندی یرغمالیوں کی رہائی کے عمل کو جاری رکھنے کیلیے کی جا رہی ہے حماس نے بھی کہا ہے کہ جنگ بندی معاہدے کو ساتویں روز تک بڑھانے کا اعلان کیا گیا ہے ۔

اسرائیلی وزیر اعظم کے ترجمان کا کہنا ہے کہ انہیں ساتویں روز رہا کیے جانے والے یرغمالیوں کی فہرست موصول ہو چکی ہے غزہ کے لوگ اب جس طرح کھلی فضا میں سانس لے رہے ہیں تو اب وہ یہی دعا کر رہے ہیں کہ اب ان پر دوبارہ کبھی ایسی قیامت برپا نہ ہو ثالثین کی کوشش یہ بھی ہے کہ تمام قیدیوں کی رہائی تک جنگ بند رہے اور دونوں طرف سے کوئی جنگی کاروائی نہ ہو ۔