یمن کی حوثی جماعت عملی طور پر میدان جنگ میں اتر چکی ہے

نیوز ٹوڈے :   حماس کی مدد کیلیے اسرائیل کے خلاف یمن کی حوثی جماعت عملی طور پر جنگ کے میدان میں اتر چکی ہے یمنی حوثیوں نے بحیرہ احمر میں تین اسرائیلی جہازوں کو ڈرون حملوں سے تباہ کر دیا بحیرہ احمر میں حوثیوں کے حملوں سے اسرائیلی جہازوں کو بچانے کیلیے امریکی بحری جہاز عین وقت پر مدد کو آن پہنچے لیکن اس سے پہلے یمنی حوثی فوج نے ایک اسرائیلی بحری جہاز یونیٹی ایکسپلورر پر کئی میزائلیں داغ کر اسے مکمل طور پر تباہ کر دیا تھا اس کے علاوہ یمنی فوج نے دو مزید اسرائیلی بحری جہاز بھی تباہ کر دیے

امریکہ کی طرف سے یہ دعوٰی کیا گیا ہےکہ امریکی بحری جہازوں نے اسرائیلی جہازوں کی مدد کرتے ہوۓ تین یمنی ڈرونز مار گراۓ ہیں امریکہ نے اس دعوے کا کوئی ثبوت پیش نہیں کیا اور نہ ہی یمنی حوثیوں نے امریکہ کے اس دعوے کی تصدیق کی ہے یمن کے حوثی لڑاکے بحیرہ احمر میں اسرائیلی جہازوں پر کئی مرتبہ حملے کر چکے ہیں اور تین اسرائیلی بحری جہازوں کو حراست میں بھی لے رکھا ہے یمنی فوج نے یہ دوٹوک کہہ دیا ہے کہ بحیرہ احمر میں اسرائیل کا جو بھی جہاز نظر آۓ گا اسے نشانہ بنایا جاۓ گا اور اسرائیلی بحری جہازوں کی مدد کرنے والے جہازوں کو بھی نہیں چھوڑا جاۓ گا ۔