خان یونس پر اسرائیل کی تینوں فوجوں نے مشترکہ حملہ کر دیا

نیوز ٹوڈے :   اسرائیلی فوج نے خان یونس شہر پر تین اطراف سے حملہ کر دیا اسرائیل کی سمندری فوج نے سمندر سے خان یونس کو نشانہ بنایا خان یونس پر اسرائیلی حملوں میں پہلے سے زیادہ شدت آ گئی ہے اسرائیلی حملوں میں خان یونس میں حماس کے کئی ٹھکانے تباہ ہو گۓ ہیں خان یونس میں اسرائیل کی بری ، بحری اور فضائی تینوں فوجیں حملے کر رہی ہیں خان یونس کو ہر طرف سے گھیر کر نشانہ بنایا جا رہا ہے خان یونس میں اسرائیلی فوج تیزی سے آگے بڑھ رہی ہے اسرائیلی فوج کا دعوٰی ہے کہ جنوبی غزہ کے اس سب سے بڑے شہر میں یحیٰی سنوار چھپا ہوا ہے ۔

سات اکتوبر سے لے کر آج تک ہونے والی لڑائی میں اسرائیلی فوج کا یہ سب سے بڑا آپریشن ہے اسرائیلی فوج کا کہنا ہے کہ حماس کے سب سے زیادہ ٹھکانے خان یونس میں ہیں اور حماس کا لیڈر یحیٰی سنوار اور ان کا بھائی اسی شہر میں رہائش پذیر ہیں اسی کھوج میں آج اسرائیلی فوج نے اس شہر پر قہر برپا کر دیا آئی ڈی ایف کا یہ دعوٰی بھی ہے کہ انہوں نے یحیٰی سنوار کے گھر کو گھیر رکھا ہے اگلے کچھ گھنٹے خان یونس پر بہت بھاری پڑنے والے ہیں ۔