یورپ کی پچھلے 500 سالوں سے قائم شان وشوکت اب ختم ہونے والی ہے سرگئی لاوروف

13, دسمبر , 2023

نیوز ٹوڈے : روس کے وزیر خارجہ سرگئی لاوروف نے بریٹین ایکسپریس کو بیان دیتے ہوۓ کہا ہے کہ یورپ جس کی 500 سالوں تک دنیا میں شان و شوکت برقرار رہی اب وہ ختم ہونے والا ہے یورپ نے یوکرین جنگ میں روس کو کمزور کرنے کی کوشش کی لیکن وہ روس کو ہرا نہیں پاۓ تاریخ میں روس ہٹلر اور نپولین کو شکست دے کر ایک مضبوط طاقت بنا ہے اور اب یوکرین میں جنگ شروع ہونے کے بعد امریکہ اور یورپ نے روس کی اس طاقت کو کمزور کرنے کیلیے یوکرین کے کندھے پر بندوق رکھ کر چلائی ہے ۔

لاوروف نے کہا کہ یوکرینیوں کو اندازہ ہونا چاہیے کہ یورپ اور امریکہ نے انہیں کتنی پستی میں دھکیل دیا ہےاس سے پہلے بھی سرگئی لاوروف نے ایک پریس کانفرنس میں کہا تھا کہ یوکرین یا اس کا کوئی بھی حمایتی جنگ ختم کرنے کو تیار نہیں حقیقت یہ ہے کہ یوکرین میں نہ تو روس جھکنے کو تیار ہے اور نہ ہوی یورپی ملک پیچھے ہٹنے کو تیار ہیں اور جب تک ان دونوں فریقین میں سے ایک ہار نہیں مانے گا جنگ نہیں رکے گی ۔