سعودیہ حکومت نے حج عازمین کو بڑا ریلیف دینے کا اعلان کر دیا

13, دسمبر , 2023

نیوزٹوڈے: وزارت مذہبی امور نے گزشتہ پانچ سالوں کے دوران حج کرنے والے افراد کو بڑا ریلیف فراہم کیا ہے۔منگل کو ایک اعلان میں وزارت کے ترجمان محمد عمر بٹ نے بتایا کہ پانچ سال کے اندر دوسری بار حج کرنے سے عازمین کو روکنے والی پابندی ختم کر دی گئی ہے۔انہوں نے کہا کہ یہ پابندی ان لوگوں کی درخواستیں موصول ہونے کے بعد اٹھائی گئی جنہوں نے گزشتہ پانچ سالوں میں پہلے حج کیا تھا اور انہوں نے سرکاری سکیم کے تحت دوبارہ شرکت کی خواہش ظاہر کی تھی۔ مزید برآں، انہوں نے سرکاری سکیم کے تحت حج 2024 کی درخواستوں کی آخری تاریخ میں مزید دس دن کی توسیع کا بھی اعلان کیا۔ ترجمان نے مزید کہا کہ اب درخواستیں 22 دسمبر تک جمع کرائی جا سکتی ہیں۔

مزید برآں، انہوں نے خواتین کو حج کے لیے درخواست دینے کی ترغیب بھی دی کیونکہ حکومت نے مرد سرپرست کے ہمراہ جانے کی شرط کو ختم کر دیا ہے۔واضح رہے کہ حکومت نے سرکاری اور کفالت دونوں اسکیموں کے تحت صرف 34,000 درخواستیں موصول ہونے کے بعد حج درخواست کی آخری تاریخ میں توسیع کا فیصلہ کیا۔