بھارت میں اسرائیلی سفارت خانے کو حملے کا نشانہ بنایا گیا

27, دسمبر , 2023

نیوز ٹوڈے : بھارت میں اسرائیلی سفارت خانے کے قریب دھماکے کی خبر سامنے آئی ہے نئی دہلی میں اسرائیلی سفارت خانے کے قریب 5 بج کر 20 منٹ پر زوردار دھماکے کی آواز سنی گئی دھماکے کے بعد بھارتی پولیس نے علاقے کو گھیرے میں لے لیا بھارتی میڈیا کے مطابق بھارت کے دارالحکومت دہلی سے ایک نامعلوم شخص نے بھارتی پولیس کو تقریباً شام ساڑھے پانچ بجے اطلاع دی کہ اسرائیلی سفارتخانے کے پیچھے ایک خالی پلاٹ میں دھماکہ ہوا ہے ۔

پولیس نے فوری طور پر جاے وقوعہ پر پہنچ کر سرچ آپریشن شروع کر دیا لیکن جاۓ حادثہ اور علاقے کی تلاشی کے باوجود اس مقام سے کوئی بھی مشکوک چیز نہیں ملی صرف ایک خط ملا ہے جو اسرائیلی سفیرکے نام لکھا گیاتھا خط ٹائپ شدہ تھا جس میں اسرائیلی سفیر کو دھمکی دی گئی تھی پولیس نے میڈیا کو بھی جاۓ حادثہ کے قریب جانے سے روک دیا ہے اور واقعے کی تفتیش جاری ہے ۔