بھارت میں نۓ سال کا جشن منانے والے مسافر خوفناک ٹریفک حادثے کا شکار

02, جنوری , 2024

نیوز ٹوڈے : بھارت کے علاقے جہار کھنڈ میں جمشید پور میں ایک خوفناک سڑک حادثے میں 6 لوگوں کی جا ن چلی گئی حادثہ اتنا خوفناک تھا کہ اس کی آواز دور دور تک سنی گئی بھارتی پولیس کے مطابق گاڑی میں سوار لوگ نۓ سال کا جشن منا کر ایک ہوٹل سے واپس آ رہے تھے گاڑی میں 8 افراد سوار تھے وہ سبھی دوست تھے اور شراب کے نشے میں دھت تھے گاڑی بہت تیز رفتاری سے آ رہی تھی نشے میں دھت ہونے کی وجہ سے ڈرائیونگ سیٹ پر بیٹھے دوست سے گاڑی بے قابو ہو کر پہلے ایک پول سے ٹکرائی اور پھر ایک درخت سے ٹکرا کر الٹ گئی ۔

حادثے کی آواز سن کر ادھر ادھر سے لوگ جمع ہو گۓ گاڑی بری طرح تباہ ہو گئی پانچ لوگ موقع پر ہی ہلاک ہو گۓ ایک شخص کی ہسپتال میں دوران علاج موت ہو گئی اور دو افراد شدید زخمی ہیں جاۓ حادثہ میں مرنے والے افراد کی لاشیں بری طرح کچل گئیں تین لوگوں کے چہرے بری طرح بگڑ گۓ یہ حادثہ سرکٹ ہاوس ایریا میں سائیں مندر پور چکر کے قریب پیش آیا حادثے کے بعد علاقے میں غم کی لہر دوڑ گئی کیونکہ حادثے کا شکار ہونے والے تمام لوگ اسی علاقے کے رہنے والے تھے ۔