خان پور میں سٹی پولیس کی کاروائی 7 افراد گرفتار

02, جنوری , 2024

نیوز ٹوڈے : خان پور کے علاقے میں سٹی پولیس نے شراب فروشوں اور شراب نوشوں کے خلاف کامیاب کاروائی کرتے ہوۓ 7 ملزمان کو گرفتار کر لیا اور بھاری مقدار میں شراب بھی برآمد کر لی ہے ایس ایچ او خانپور ہدایت اللٰہ کے مطابق انہیں ڈی پی او رحیم یار خان نے نۓ سال کی آمد سے چند روز قبل ہدایات جاری کی تھیں کہ نیو ایئر نائٹ کو خان پور کے شہریوں کیلیے پر امن بنانے کا موقع دیا جاۓ ۔

کیونکہ سال کے اختتام پر لوگ رات کو شراب نوشی کرتے ہیں ، ہلڑ بازی کی جاتی ہے اور فائرنگ کی جاتی ہے جس سے عام شہریوں کا سکون بھی برباد ہو جاتا ہے ان کاروائیوں کوروکنے کیلیے سٹی پولیس نے مختلف مقامات پر چھاپے مار کر 7 ملزمان کو گرفتار کر لیا اور 771 کپیاں اور 5 لیٹر دیسی شراب بھی بر آمد کر لی ہے ان ملزمان کے خلاف معاشرتی بگاڑ اور شراب نوشی جیسے مختلف مقدمات درج کیے گۓ ہیں ۔