امریکی ریاست نیو جرسی میں فائرنگ کے واقعے میں امام مسجد شہید ہو گۓ

05, جنوری , 2024

نیوز ٹوڈے : امریکہ کی ریاست نیو جرسی میں فائرنگ کے واقعے سے مسجد کے امام حسن شریف شہید ہو گۓ نیو جرسی کے اٹارنی جنرل میٹ پلاٹکن کے مطابق امام مسجد حسن شریف نیو یارک کے مغربی علاقے نیو آرک ۔ ۔میں محمد مسجد سے باہر نکل رہے تھے جب ان پر حملہ کیا گیا انہیں کئ گولیاں لگیں زخمی حالت میں انہیں ہسپتال پہنچایا گیا لیکن وہ جانبر نہ ہو سکے اور خالق حقیقی سے جا ملے

اٹارنی جنرل آف نیو جرسی کے مطابق حسن شریف کی موت کی وجہ جاننے کیلیے شواہد اکٹھے کیے جا رہے ہیں ابتدائ تحقیقات کے مطابق یہ واقعہ تعصب یا دہشتگردی کا نہیں اسرائیل فلسطین جنگ کی وجہ سے آجکل نیو جرسی میں اقلیتوں اور خصوصاً مسلمانوں کو تعصب کا سامنا ہے حالانکہ اس ریاست میں مسلمانوں کی تعداد تین لاکھ سے زیادہ ہے لیکن نیو جرسی میں حالات اس وقت ایسے ہو چکے ہیں کہ یہاں بہت سے لوگ عدم تحفظ کا شکار ہیں اور خوف محسوس کر رہے ہیں ۔