وائٹ ہاؤس کے گیٹ سے گاڑی کا ٹکرانا ، امریکی حفاظتی انتظامات پر سوالیہ نشان

10, جنوری , 2024

نیوز ٹوڈے : امریکہ کے وائٹ ہاؤس کمپلیکس کے بیرونی گیٹ سے ایک گاڑی ٹکرا گئی اس واقعے سےامریکی حکومت اور امریکہ کے حفاظتی انتظامات پر انگلیاں اٹھائی جا رہی ہیں کیونکہ امریکہ میں سیکیورٹی کا انتظام اتنا ناقص ہو چکا ہے کہ امریکی صدر اور وہائٹ ہاؤس تک محفوظ نہیں رہے ایک ماہ قبل بھی امریکہ میں اسی قسم کا ایک واقعہ پیش آیا تھا امریکہ کے علاقے ڈیلا ویئر میں جوبائیڈن کے قافلے میں شامل ایک گاڑی کو ایک شخص نے اپنی گاڑی سے ٹکر مار دی تھی ۔

اس واقعہ کی تحقیق سے یہ خبر سامنے آئی تھی کہ ٹکر مارنے والی گاڑی کا ڈرائیور نشے کی حالت میں تھا اب بھی وائٹ ہاؤس کے بیرونی گیٹ سے گاڑی ٹکرانے کے بعد امریکی سیکیورٹی حرکت میں آ گئی ہے اور ڈرائیور کو موقع پر ہی گرفتار کر لیا گیا ہے اس واقعہ پر کوئی تبصرہ یا راۓ سامنے نہیں آئی ۔