منگولیا نے ان مسلم ممالک کے ساتھ ویزا فری معاہدہ طے کر لیا

نیوزٹوڈے:   تعلقات کو مستحکم کرنے کی کوشش میں، متحدہ عرب امارات (یو اے ای) اور منگولیا نے باضابطہ طور پر باہمی ویزا فری کے حوالے سے مفاہمت کی یادداشت (ایم او یو) پر اتفاق کیا ہے۔معاہدے کے تحت، متحدہ عرب امارات کے شہری جن کے پاس باقاعدہ، سفارتی، خصوصی اور مشن پاسپورٹ ہیں، انہیں منگولیا میں داخل ہونے کے لیے ویزا سے استثنیٰ حاصل ہے اور وہ ہر دورے میں 30 دن تک ملک میں رہ سکتے ہیں۔ دوسری طرف، یہ معاہدہ منگولیا کے ایسے شہریوں کو بھی اجازت دیتا ہے جو سفارتی، سرکاری اور باقاعدہ پاسپورٹ رکھتے ہیں، بغیر ویزا کے متحدہ عرب امارات میں داخل ہو سکتے ہیں۔

اس معائدے پر متحدہ عرب امارات کے وزیر مملکت احمد علی السیغ اور منگولیا کے وزیر خارجہ باتسیتگ باتمنخ نے دستخط کیے، جس کا مقصد دو طرفہ تعلقات کو مضبوط بنانا اور دونوں ممالک کے درمیان سفر کو ہموار کرنا ہے۔ اس اہم پیش رفت سے مختلف شعبوں بشمول سیاست، اقتصادیات، ثقافت، تعلیم اور مشترکہ دلچسپی کے دیگر شعبوں میں باہمی تعاون کی کوششوں کو تقویت دینے کی توقع ہے، جس سے متحدہ عرب امارات اور منگولیا کے درمیان بڑھتے ہوئے تعاون اور ہم آہنگی کو فروغ ملے گا۔