چیچنیا کے سپریم لیڈر فلسطین کی مدد کیلیے عملی طور پرمیدان میں اتر آۓ

15, جنوری , 2024

نیوز ٹوڈے : چیچنیا کے سپریم لیڈر ، اور روسی صدر ولادیمیر پیوٹن کے قریبی ساتھی ، اور ان کے دائیں بازو (رمضان قادروف) کو دنیا جانتی ہے - وہ اور ان کی فوج یوکرین میں اپنی طاقت کا لوہا منوا چکے ہیں ـ انہوں نے غزہ پر اسرائیلی حملوں کے بعد سے کئی دفعہ فلسطین کی حمایت میں بیان دیے ہیں ـ لیکن اب وہ عملی طور پر فلسطینیوں کی مدد کیلیے میدان میں اتر آۓ ہیں-

رمضان قادروف نے غزہ کے ان لوگوں کیلیے جو اسرائیلی حملوں سے تنگ آ کر اپنے علاقے اور وطن کو چھوڑ رہے ہیں ، ان کیلیے چیچنیا میں اپارٹمنٹ اور گھر بنانے کا کام شروع کر دیا ہے ، جہاں فلسطینیوں کو تمام سہولیات فراہم کی جائیں گی ـ رمضان قادروف نے اپنے بیان میں غزہ کے آباد کاروں کو فراخ دلی سے خوش آمدید کیا ہے-